Letras Galegas

Esta semana celebramos o Día das Letras Galegas e comenzamos este mércores 16 coa entrega, a partir das 18.00 horas, no Salón de Actos do Concello, dos premios dos concursos de Achegamento ó Libro, ó Teatro e Na Procura do Noso Marca- páxinas,organizados pola Biblioteca Municipal “D. Francisco Mayán”.

Xoves 17 12.30 h. PRAZA DA CONSTITUCIÓN Concerto da Banda de Música de Cee (se chove, será no Salón de Actos do Concello)

A partir das 16.30 H. FESTA INFANTIL CON XOGOS TRADICIONAIS E OBRADOIRO DE CHAPAS (se chove será no Pavillón Polideportivo)

Domingo 20 19.00 H. SALÓN DE ACTOS DO CONCELLO Teatro infantil: “O señor das dunas” (para nen@s a partir dos 6 anos). Entrada gratuita. Programa FalaRedes da Secretaría Xeral de Política Lingüística.

Menciñeiros de Cunqueiro nos Sábados Culturais

Menciñeiros constitúe un esforzo máis na aposta da compañía Volta e Dálle por recuperar para o teatro o patrimonio cultural galego. E faino desta volta outorgándolle o protagonistmo escénico a unha das figuras máis interesantes do imaxinario tradicional do noso país: os menciñeiros ou curandeiros.

Baseado en Escola de menciñeiros, do autor mindoniense Álvaro Cunqueiro, esta nova peza de Volta e Dálle ofrécenos unha aproximación dramática a este mundo cun dobre obxectivo: preservar e dar coñecer a cultura e os saberes do curandeiros e divulgar a obra deste autor, do que en 2011 se celebrou o centenario do seu nacemento.

O lugar da representación é o adro dunha igrexa, o momento é o serán. A acción arrinca entre o paseo e a parola, desculpa para que comece a aparecer ou a evocarse sobre as táboas os menciñeiros retratados por Cunqueiro. Os encargados de darlles vida a estas figuras son Pepe Penabade, Mini e Mero, tres vellos menciñeiros que ven a fin do seu tempo pero gardan na memoria or recordo de Borrallo da Lagoa, Lamas Vello, Xil da Ribeira ou Silva da Posta.

Menciñeiros é un espectáculo vivo, diferente en cada función, respectuoso co texto literario do que parte pero aberto as posibilidades de cada momento da representación e, tamén, cheo de música e baile.

Sábado 12 de maio, Salón de Actos do Concello de Cee, 20.45 horas

Rede Galega de Teatros e Auditorios. Entradas a 1.5 e 2.5 €.

Taquillla aberta desde as 20.15 horas.

Premiados no IX Concurso de Pintura

IX CONCURSO DE PINTURA CONCELLO DE CEE

Na mañá de hoxe sábado 5 de maio deuse a coñecer o fallo do xurado do IX Concurso de Pintura. O acto tivo lugar no Museo da Fundación Fernando Blanco no que ó longo deste mes se poderá ver a exposición que recolle as obras presentadas.

 O 1º  premio valorado en 1.000 €  foi para D. Luis Guillermo Guerra Aguilera con D.N.I. nº 48.113.005-H, pola súa obra “Praia das leiriñas”.

Un dos accésits valorado en 600 € foi para  D. Jorge Luis Miranda Carracedo, con D.N.I. X-4918106-Q, pola súa obra “Luz sobre Cee”.

Finalmente, o outro accésit, tamén valorado en 600 € foi para  Dna. María Teresa Faginas Díaz, con D.N.I. nº 32.356.055-T pola obra “Costa da Morte”.

Acto a beneficio de Cáritas Cee

Este sábado 5 de maio, a Concellería de Cultura, Educación e Deportes proxectará no Salón de Actos do Concello a curtametraxe “Casas de humo”, ganadora no Festival Posivideo 2012 do premio á mellor curta almeriense, por mostrar el desarraigo de la emigración con hondura y elegancia, dacordo coa valoración do xurado. Esta curta contou na co-produción e no papel principal co artista ceense Juanma Buiturón, quen tivo a iniciativa de presentalo na súa vila natal con fins benéficos, xa que a recadación que se obteña polas entradas (3 €) será destinada a Cáritas Cee. A xornada dará comenzo ás 20.45 horas baixo o título “A emigración: viaxe de ida e volta” e nela participará ademáis de Juanma Buiturón, o historiador e técnico de cultura no concello de Cee, Víctor Castiñeira, coñecedor, polas súas investigacións e publicacións, da temática da emigración, especialmente no referido á Costa da Morte e á emigración galega cara a Arxentina.

A curtametraxe está ambientada na Arxentina dos años 40 onde Martín (Juanma Buiturón), un galego emigrante, cóntalle un día ó seu amigo Esteban (Jesús Herrera), un terratenente arxentino que o ten acollido, cómo se sinte na realidade. A curtametraxe foi rodada preto do Castelo Santa Ana en Roquetas de Mar. Ademáis de Juanma Buiturón, actor principal desta curta, podemos ver a Jesús Herrera, actor granadino residente en Almería. A dirección correu a cargo de José Luis Estévez mentras que a dirección de fotografía estivo a cargo de Juan José Franco. O proxecto contou co patrocinio do Concello de Roquetas de Mar e a colaboración da Academia de Imaxe e Son de Almería.