Letras Galegas

Esta semana celebramos o Día das Letras Galegas e comenzamos este mércores 16 coa entrega, a partir das 18.00 horas, no Salón de Actos do Concello, dos premios dos concursos de Achegamento ó Libro, ó Teatro e Na Procura do Noso Marca- páxinas,organizados pola Biblioteca Municipal “D. Francisco Mayán”.

Xoves 17 12.30 h. PRAZA DA CONSTITUCIÓN Concerto da Banda de Música de Cee (se chove, será no Salón de Actos do Concello)

A partir das 16.30 H. FESTA INFANTIL CON XOGOS TRADICIONAIS E OBRADOIRO DE CHAPAS (se chove será no Pavillón Polideportivo)

Domingo 20 19.00 H. SALÓN DE ACTOS DO CONCELLO Teatro infantil: “O señor das dunas” (para nen@s a partir dos 6 anos). Entrada gratuita. Programa FalaRedes da Secretaría Xeral de Política Lingüística.

CURSO DE DEFENSA PERSONAL EN CEE

Este venres 20 de abril ás 21.00 horas terá lugar, nas instalacións da Piscina Municipal de Cee, un novo curso de defensa personal dirixido a toda a poboación impartido por  José Calabria Díaz (I Dan de defensa personal, IV Dan de hapkido e I Dan taekon-do ITF).

A inscrición será gratuíta e se poderá facer na Pisicina Municipal de Cee ou chamando ao teléfono 981.747973

Esta actividade está organizada pola entidade ceense "Club Cee Deportes de Conctacto" e conta coa colaboración da empresa concesionaria Aquacenit e do Concello de Cee.

Menciñeiros de Cunqueiro nos Sábados Culturais

Menciñeiros constitúe un esforzo máis na aposta da compañía Volta e Dálle por recuperar para o teatro o patrimonio cultural galego. E faino desta volta outorgándolle o protagonistmo escénico a unha das figuras máis interesantes do imaxinario tradicional do noso país: os menciñeiros ou curandeiros.

Baseado en Escola de menciñeiros, do autor mindoniense Álvaro Cunqueiro, esta nova peza de Volta e Dálle ofrécenos unha aproximación dramática a este mundo cun dobre obxectivo: preservar e dar coñecer a cultura e os saberes do curandeiros e divulgar a obra deste autor, do que en 2011 se celebrou o centenario do seu nacemento.

O lugar da representación é o adro dunha igrexa, o momento é o serán. A acción arrinca entre o paseo e a parola, desculpa para que comece a aparecer ou a evocarse sobre as táboas os menciñeiros retratados por Cunqueiro. Os encargados de darlles vida a estas figuras son Pepe Penabade, Mini e Mero, tres vellos menciñeiros que ven a fin do seu tempo pero gardan na memoria or recordo de Borrallo da Lagoa, Lamas Vello, Xil da Ribeira ou Silva da Posta.

Menciñeiros é un espectáculo vivo, diferente en cada función, respectuoso co texto literario do que parte pero aberto as posibilidades de cada momento da representación e, tamén, cheo de música e baile.

Sábado 12 de maio, Salón de Actos do Concello de Cee, 20.45 horas

Rede Galega de Teatros e Auditorios. Entradas a 1.5 e 2.5 €.

Taquillla aberta desde as 20.15 horas.

Premiados no IX Concurso de Pintura

IX CONCURSO DE PINTURA CONCELLO DE CEE

Na mañá de hoxe sábado 5 de maio deuse a coñecer o fallo do xurado do IX Concurso de Pintura. O acto tivo lugar no Museo da Fundación Fernando Blanco no que ó longo deste mes se poderá ver a exposición que recolle as obras presentadas.

 O 1º  premio valorado en 1.000 €  foi para D. Luis Guillermo Guerra Aguilera con D.N.I. nº 48.113.005-H, pola súa obra “Praia das leiriñas”.

Un dos accésits valorado en 600 € foi para  D. Jorge Luis Miranda Carracedo, con D.N.I. X-4918106-Q, pola súa obra “Luz sobre Cee”.

Finalmente, o outro accésit, tamén valorado en 600 € foi para  Dna. María Teresa Faginas Díaz, con D.N.I. nº 32.356.055-T pola obra “Costa da Morte”.